Posts

Fjölnir stal senunni.

Fjölnir betri í Frystikistunni i dag þegar þær gulklæddu komu í heimsókn. Leikurinn var jafn framan af þar sem Fjölnir bjóst kannski við léttum leik en heimastúlkur héldu í við þær gulklæddu nánast fram í tepásuna. Helga Sóley var á 4 villum eftir pásu og munaði um það fyrir heimakonur meðan Fjölnir fann smjörþefinn af sigrinum rétt fyrir hlé og kláruðu í raun leikinn í 3. leikhlutanum. Kjarninn var góður hjá Fjölni og breyddin góð.

Þáttaskilin komu klárlega í lok 2. Leikhluta og þeim 3. þar sem Fjölnir pressaði út um allan völl og vann 3. leikhlutann með 18 stigum (7-25) þar sem ekkert gekk hjá heimastúlkum.

Tölfræðin lýgur ekki en stig eftir tapaða bolta (“turnover”) voru 23 hjá gestunum meðan Hamar var með 2 stig úr stolnum. Eins komu 32 stig af bekknum hjá Fjölni meðan breiddin var ekki eins góð hjá Hamri. Jafnt var 27-27 þegar 7 mínútur voru búnar af 2.leikhluta en í hálfleik var 29-38 fyrir Fjölni og í raun “gameover” í 3ja leikhluta.

Leikhlutarnir fóru; 15- 17, 14 – 21, 7 – 25, 19 – 9 og lokatölur því 55-72.

Okkar stelpur eru að sýna framfarir frá fyrsta leik í haust og klárlega bæting á mörgum sviðum sem og klárt að þær geta bætt sig enn frekar. Leikgleðin og baráttan er ekkert að dvína, það er líka klárt þannig að þetta getur ekki annað en verið klárt í næsta leik. Stigahæstar hjá okkar konum voru þær Gígja Marín 12 stig, Bjarney 11 stig og Álfhildur 10 en aðrar mina. 

Tölfræði leiksins 

Mynd frá Karfan.is / Bára Dröfn

/by

Enginn að tapa gleðinni

KR stúlkur voru góðar í kvöld þegar þær unnu okkar stúlkur 44-82 en allt í reynslubankann hja okkar konum.

Þáttaskil

Þáttaskilin komu í 2. og 3. leikhluta þegar KR kláraði leikinn og í raun var staðan í hálfleik það afgerandi að lítil spenna var í leiknum og báðir þjálfarar rúlluðu á öllum sínum mannskap.  

Tölfræðin lýgur ekki

23-42 í hálfleik og bara helgin framundan hjá báðum liðum. Tölfærðin var öll gestunum í vil og engin einn leikmaður sem skaraði fram út í stigaskori eða frákastagleðinni. Dómararnir voru í aðalhlutverki með fjöldan allan af villudómum(55) í annars ekki svo grófum leik. Lokatölur 44-82 en samt vann Hamar síðasta leikhlutann 17-12 sem smá sárabætur.

Kjarninn

Hamars konur voru ragar að sækja á körfuna og sýndu ekki sama leik og td. í Grindavík fyrir 2 vikum þar sem trúin var klárlega meiri en gegn KR í kvöld. KR er með meiri breidd og kjarnan ungar stelpur með reynsluboltum inn á milli og stefnir allt í að þær fari upp um deild, annað er stórslys. Það var í raun miklu betra flæði á leik KR eftir að Desiree Ramos fór á bekkin í 1.leikhluta með 3 villur.

Góður dagur hjá liðsheild KR og Hamars konur komst ekki skrefinu lengra en KR vörnin leyfði þeim.

Slæmur dagur… mikið sem Hamarskonur þurfa að æfa vítaskotin og enn einn slæmur dagur á vítalínunni. Allt Hamarsliðið getur miklu betur en samt enginn að tapa gleðinni í blómabænum.

 

Tölfræði

http://www.fibalivestats.com/u/KKI/646638/bs.html

 

 

/by

Einn góður leikhluti dugði ekki.

Hamars stúlkur hrukku í gang of seint fyrir þegar ÍR kom í heimsókn í 1. deildar körfunnar þetta þriðjudagskvöldið. Eftir skelfilega skotnýtingu og mikið af mistökum framan af leik var staðan 23-38 fyrir síðasta hlutann og ekki mikil skorað. Það varð samt  skyndilega úr spennuleikur í Hveragerði þegar okkar stelpur rifu sig í gang og skoruðu 18 stig í síðasta leikhluta á móti 5 stigum ÍR. Það var einkum 2 stórir þristar frá Helgu Sóley undir lokin sem “kveikti” í áhorfendum og liðinu. Þetta reyndist samt of seint þar sem síðasta skot leiksins geigaði hjá Þórunni þegar leiktíminn var að renna út, lokatölur 41-43 fyrir ÍR. Ef og hefði og allt það en ÍR fagnaði vel sínum fyrstu stigum í vetur. Hamarsstúlkur fundu ekki fjölina sína í skotum framan af leik en ÍR konur voru klókar og miklu áræðnari í byrjun leiks þar sem  þær lögðu grunn að sigrinum .

16-26 í hálfleik segir sitt um skotnýtingu beggja liða. Í lokin var ÍR með 30% FG nýtingu meðan Hamar var með 10% í hálfleik en náði nýtingunni upp í 18% í heildina með óttrúlegum lokakafla. Hamar vann aðeins einn leikhluta, þann síðasta.

Kjarninn.   ÍR konur miklu sterkari í fyrri hálfleik og Hamarsstúlkur algerlega heillum horfnar með skotnýtingu einhverstaðar í kjallara Frystikistunnar. Skotnýting Hamarskvenna var þeim helst að falli en ÍR hélt haus og áttu heilt yfir sigurinn skilið.

Góður dagur hjá Hönnu Þrastardóttur hjá ÍR sem setti 14 stig og 18 framlagsstig meðan Þórunn Bjarnadóttir stýrði leik Hamars og skoraði 15 stig, tók 9 fráköst og með 4 stoðsendingar. Helga Sóley kom næst með 7 stig en var frekar óheppin í sínum skotum þar til hún kom með tvo “flugelda” í lokin.

Tölfræði úr leiknum

/by

Hamarskonur með góðan sigur.

Reynslan skilaði sigri í Hveragerði þegar ungt lið Ármanns kom í heimsókn í dag.

Ármanns stúlkur byrjuðu betur og komust í 0-8 áður en Hamar komst á blað en fyrsti leikhluti endaði 20-21 fyrir gestina. Annar leikhluti var jafn á öllum tölum en heimakonur leiddu í hálfleik 36-35. Þriðji leikhluti var alger viðsnúningur eftir jafna 2 fyrstu leikhlutana. Hamars konur voru miklu grimmari og keyrðu fram úr þar sem Þórunn stýrði leik Hamars, skoraði og lagði upp körfur eins og enginn væri morgundagurinn. Á sama tíma lék Sigrún Guðný leikstjórnandi Ármann, með 4.villur sem hafði sitt að segja. 

Tölfræðin var að stríða þar sem sambandið var stopult og leikurinn byrjaði ekki á réttum tíma vegna sambandsleysis við FIBA livestat.

Úrslitin 79-61 og sigur hjá okkar konum þar sem Þórunn var stigahæst með 14 stig, Gígja öflug (líklega u.þ.b. 12 stig) og flestar okkar stúlkna komust á blað.  Athyglisvert að systurnar Katrín og Dagrún Össurar- og Guðrúnardætur spiluðu saman sem og þær systur Gígja, Álfhildur og Fríða Margrét Þorsteins- og Ernudætur. Ekki langt undan var frænka þeirra Laugaskarðs-systra Ragnheiður Magnúsdóttir og ljóst að í þessum ættum er mikil íþróttagen og keppnisskap.  

Synd að tölfræðin fraus því úrvalsdeildarreynslan hjá Sóley, Álfhildi og Þórunni skilaði miklu fleiri fráköstum fyrir Hamar en aftur á móti voru Ármanns stelpur að hitta mun betur framan af og sérstaklega úr sniðskotum sínum.

Góður dagur hjá systrunum Álfhildi og Gígju Marín sem og Þórunni fyrir Hamar. Hjá Ármanni var Sigrún Guðný best með  22 stig.

Slæmur dagur Internetsambandið í Frystikistunni.

 

/by
, ,

Vinningar á Herrakvöldi Hamars

Á herrakvöldi Hamars var að sjálfsögðu uppboð og aðrir vinningar. Vinningar sem ekki voru afhentir á herrakvöldinu sjálfu voru á eftirfarandi númerum.

Gjafakort í Laugarsport nr. 623

Gjafakort í Laugarsport nr. 237

Gjafakort í Laugarsport nr. 771

Gjafakort í Laugarsport nr. 681

Sundkort í Laugarskarði 30 miðar nr. 203

Sundkort í Laugarskarði 30 miðar nr. 436

Hægt er að nálgast vinningar í símanúmer 8562035 hjá Valla 

/by

Meistaraflokkur kvenna 2017-2018

Það er körfuknattleiksdeild Hamars mikil ánægja að segja frá því að nú í vetur verður aftur starfræktur meistaraflokkur kvenna. Fyrsti leikur hjá Hamarsstelpum verður sunnudaginn 8. Október gegn KR í vesturbæjnum og hvetjum við sem flesta til að gera sér ferð til Reykjavíkur og styðja stelpurnar. Liðið hefur verið að æfa síðan um miðjan júlí og samanstendur æfingahópurinn af um 20 stúlkum á mismunandi aldri, allt frá því að vera enþá á grunnskólaaldri og alvega að nálgast fjórða tugin. Þetta teljum við mikið styrkleikamerki fyrir kvennakörfuna því þótt eldri leikmenn hafi allajafna ekki jafn mikin tíma aflögu til að sinna íþróttinni hafa þær þó svo ótrúlega mikla reynslu sem þær geta deild með yngri stúlkunum. Einnig sýnir þetta að körfubolti er fyrir alla og gamla mítan um að stelpur hætti þegar búið er að stofna fjölskyldu þarf ekki að vera eitthvað lögmál.

/by

Arnar Dagur í æfingahóp U16 landsliðs í körfuknattleik

Körfuknattleikssamband Íslands hefur valið 35 manna æfingahópur í U16 landslið drengja. Verkefni þessa landsliðs verða tvö sumarið 2018 þar sem bæði verður sent lið til keppni á Evrópumót og Norðurlandamót. Einn Hamarsdrengur er í þessum hópi sem ætti að vera öðrum yngri flokka iðkenndum hjá körfuknattleiksdeild hvatning til að leggja hart að sér og setja markið hátt í körfuboltanum. 

/by

Hamarsstúlkur í landsliðsferð.

Nú í sumar fóru tvær af okkar efnilegustu körfuknattleiksstúlkum í keppnisferð til Kaupmannahafnar með U15 ára landsliði Íslands. Þetta eru þær Gígja Marín Þorsteinsdóttir og Helga Sóley Heiðarsdóttir, að sjálfsögðu voru þær bæði sjálfum sér og ekki síður sínu íþróttafélagi til sóma og stóðu sig frábærlega að sögn landsliðsþjálfarans. Árangur stúlknanna er gott dæmi um hvaða árangri er hægt að ná með viljan og dugnaðinn að vopni. 

/by

Körfuknattleiksnámskeið Hamars 2017

 Körfuknattleiksnámskeið í íþróttahúsinu v/Skólamörk 
Námskeiðshaldari: Körfuknattleiksdeild Hamars.
Aldur: Börn f. 2005 – 2008, stelpur og strákar.
Áhersla á grunnæfingar í körfuknattleik, tækni og leikskipulag. Lögð verður jöfn áhersla á varnar og sóknarleik. Námskeiðið er mánudaga – fimmtudaga, frá kl 15.30-16.30.
Tímabil: 
Námskeið 1: 29. maí – 22. júní.
Námskeið 2: 26. júní – 20. Júlí.
fjórar æfingar í viku á mánudögum, þriðjudögum, miðvikudögum og fimmtudögum frá kl 15.30 – 16.30. 
Verð: kr. 5.000, 20% systkinaafsláttur.
Skráning og upplýsingar: Þórarinn Friðriksson í síma 861 7569, totifrikk@gmail.com

/by

Landsliðsfólk frá Hamri

Tvær stúlkur úr hinum efnilega 9.flokk kvenna hjá Hamri hafa verið valdar í lokahóp 15. ára landsliðs íslands. Stúlkurnar eru Gígja Marín Þorsteinsdóttir og Helga Sóley Heiðarsdóttir og eru báðar uppaldar í Hamri og mikil efni þar á ferð, það er von kkd Hamars að aðrir yngri flokka iðkenndur í Hveragerði taki sér þær til fyrirmyndar og sjái hvað er hægt með eljusem og miklum áhuga. Stelpurnar munu fara með 15 ára landsliði íslands til keppni í Kaupmannahöfn dagana 16.-18. júní.

/by