Posts

Samningur gerður við Íþróttafélagið Hamar

Samningur var undirritaður nýverið á milli Íþróttafélagsins Hamars og Hveragerðisbæjar.  Samningurinn gildir út árið 2018 en í honum er fjallað um gagnkvæmar skyldur aðila á tímabilinu.  Samningnum er ætlað að efla samstarf bæjaryfirvalda í Hveragerðisbæ og íþróttafélagsins og tryggja öflugt íþrótta-, forvarna- og tómstundastarf fyrir börn og ungmenni í Hveragerði. Með samningnum fær íþróttafélagið 22,6 m. kr. á tímabilinu frá Hveragerðisbæ.  Auk þess fær íþróttafélagið íþróttamannvirki bæjarins til endurgjaldslausra afnota og er sá styrkur metinn á 83,5 mkr. Í samningunum kemur fram að um sé að ræða rekstrarstyrki til barna og ungmennastarfs, framlag vegna meistaraflokka, fjárveiting í ferða- og tækjasjóð og rekstrarstyrkur vegna íþróttasvæða.

/by

Baráttan um 5.sætið herðist

Efsta lið 1.deildar Höttur mætti í Hveragerðis síðastliðinn Sunnudag og spiluðu gegn Hamarsmönnum í hörkuleik. Hattarmenn höfðuð fyrir leikinn aðeins tapað einum leik á leiktíðinni og því var verðugt verkefni framundan hjá Hamarsmönnum.
Hamarsmenn byrjuðu leikinn af miklum krafti og leiddu Mirko Virijevic 17-9 eftir 7 mín, þá hafði Mirko skorða öll stig Hattar. En Aaron Moss erlendur leikmaður Hattar setti þá 4 stig í röð og breytti stöðunni í 17-13. Hamarsmenn spiluðu þó áfram sín á milli og leiddu 26 -22 eftir fyrsta fjórðung. Hjá gestunum var títt nefndur Mirko með 14 punkta.
Liðin byrjuðu annan leikhlutann á því að skiptast á að skora og voru Mirko (22 stig) og Aaron (15 stig) allt í öllu hjá Hetti en þeir tveir ásamt Viðari (5 stig) voru búnir að skora öll stig Hattar á fyrstu 16 mínútum leiksins. Þá setti Ragnar niður sniðskot og kom þeim yfir 38-44. Aaron bætti síðan við 5 stigum og voru Hattarmenn skyndilega komnir með níu stiga forskot 40-49. Hamarsmenn náðu þó að klóra í bakkann og voru sex stigum undir er leikurinn var hálfnaður.
Gestirnir mættu stemmdari til síðari hálfleiks og juku við forkotið hægt og bítandi. Aaron Moss tók yfir leikinn en Örn Sigurðarson sem hafði verið atkvæðamestur hjá Hamri til þessa, sat mikið á bekknum í villuvandræðum. Chris Woods sá aðalega um stigaskorun heimamanna sem voru undir 66-73 fyrir loka fjórðunginn og Örn kominn með 5 villur.
En í 4.leikhluta mætti til leiks Snorri Þorvaldsson. Snorri opnaði leikhlutann á 3 stiga körfu og var brotið á honum og fékk hann því einnig vítaskot sem hann setti niður 70-73. Hattarmenn svöruðu með 5 stigum til baka en þá tók Snorri sig til og setti annan þrist og víti niður og staðan 74-78 og átta mínútur eftir. Hilmar Pétursson minnkaði svo muninn í tvö stig í næstu sókn 76-78. Næstu mínútur skiptust liðin á að skora og var staðan  82-84 þegar 5 mín voru til leiks loka. Minnstur fór munurinn niður í 1 stig 89-90 þegar tæpar 3 mín voru eftir. Hattarmenn svöruðu hinsvegar með 9-2 kafla  91-99 og kláruðu þar með leikinn. Hamarsmenn gáfust þó ekki upp og náðu að minnka muninn aðeins lokastaðann 98-104.

Hamarsmenn sitja því áfram í 5 sætinu eftir tapið, En lið Vestra er komið upp að hlið Hamars, eftir sigur á Selfossi gegn FSu. Hamar og Vestri eigast einmitt við í næsta leik 17.febrúar á Ísafirði, en má segja að það sé úrslitaleikur þar sem liðin hafa unnið hvorn leikinn fyrir sig og eru því hníf jöfn bæði með 7 sigra og 11 töp, 14 stig. Stöðuna má sjá fyrir neðan.

5-6.sæti Hamar 14 stig 7-11/ næstu leikir:Vestri (ú)/Ármann(h)/Valur (ú)/Blikar (h)/Fjölnir (ú)/FSu (h)
5-6.sæti Vestri 14 stig 7-11/ næstu leikir: Hamar(h)/ÍA (ú)/ Höttur (ú)/ Ármann (ú)/ Valur (h) (tvisvar)
7.sæti FSu 12 stig 6-13/ næstu leikur: Ármann (ú)/ Valur (h)/ Breiðablik (ú)/ Fjölnir (ú)/ Hamar (h)

/by

Aðalfundur Badmintondeildar Hamars 2017

Aðalfundur Badmintondeildar Hamars verður haldinn þriðjudaginn 14. febrúar nk. kl. 20:00 í fundarherbergi aðalstjórnar fyrir ofan crossfitstöðina Hengil. Við hvetjum alla sem vilja kynna sér badmintonstarfið að mæta og taka þátt í uppgjöri síðasta árs.

/by

Hamarsmenn skildu við Skagann

Hamarsmenn mættu uppá á Akranes í fyrsta leik sínum í þriðju umferð 1.deildar karla. Bæði lið höfðu unnið hvorn leikinn og því var leikurinn ekki einungis uppá stigin tvö heldur einnig uppá innbyrgðis viðureignina í baráttunni um fimmta og síðasta sætið í úrslitakeppni um sæti í úrvalsdeild. Fyrir leikinn voru Hamarsmenn með 6 sigra (14 stig) og 10 töp, en lið ÍA 5 sigra (10 stig) og 12 töp. Bæði liðin spiluðu við FSu í sínum síðasta leik, sem einnig er í baráttu um 5 sætið. Lið ÍA vann FSu en Hamar hafði tapað. Því var ekki um fjögra stiga leik að ræða heldur meira 8 stiga leik.
Hamarsmenn byrjuðu leikinn mun betur og komust í 0-8. Skagamenn virtust vera yfir spenntir og skutu ekki nema 29% skota sinna ofan í körfuna, tölfræði þáttur sem er ómögulegt að vinna með. Hamarsmenn spiluðu leikinn af gríðarlegu öryggi og hleyptu Skagamönnum aldrei nálægt sér og uppskáru frekar auðveldan sigur  59-97. Allir í Hamarsliðinu lögðu sitt af mörkum en Örn Sigurðarson fór fyrir sínum mönnum með 26 stig og 8 fráköst. Hjá ÍA var Shouse með 25 stig.
Hamarsmenn halda því áfram í fimmta sætið og má segja að þeir hafi skilið ÍA eftir, komnir með innbyrgðis viðureignina og fjögra stiga forskot. Hamarsmenn eru sem fyrr segir í 5 sætinu með 7 sigra og 10 töp (17 leikir), Næstir koma Selfyssingar með 6 sigra og 12 töp (18 leikir), og síðan Vestri 6 sigrar og 10 töp (16 leikir). Skagamenn hafa síðan stimplað sig út úr baráttunni í bili að minnsta kosti með 5 sigra og 13 töp.

 

Næsti leikur Hamars verður svo á Sunnudaginn kl 19:15 í Hveragerði, Þegar topplið 1.deildar Höttur mætir í heimsókn.

/by

Hamar býður flóttafjölskyldu frá Sýrlandi velkomna

Íþróttafélagið Hamar býður flóttafjölskyldu frá Sýrlandi velkomna til Hveragerðis, um leið hefur aðalstjórn Hamars ákveðið að bjóða ungmennum innan fjölskyldunnar að æfa íþróttir hjá Hamri á árinu 2017. Það er von aðalstjórnar að þetta hjálpi ungmennum innan fjölskyldunnar að aðlagast nýjum aðstæðum hér í Hveragerði.

/by

Hveragerðisbær heiðrar íþróttafólk sitt

Íþróttamenn Hveragerðis 2016

Að þessu sinni voru 15 íþróttamenn heiðraðir en þeir hafa sýnt mikinn metnað til að ná langt í sinni íþróttagrein og eru svo sannarlega góð fyrirmynd fyrir bæinn og yngri íþróttamenn.

Eftirfarandi íþróttamenn voru í kjöri:

  • Ágúst Örlaugur Magnússon knattspyrnumaður
  • Björn Ásgeir Ásgeirsson körfuknattleiksmaður
  • Dagný Lísa Davíðsdóttir körfuknattleikskona
  • Fannar Ingi Steingrímsson golfari
  • Hafsteinn Valdimarsson blakmaður
  • Hekla Björt Birkisdóttir fimleikakona
  • Hrund Guðmundsdóttir badmintonkona
  • Kristján Valdimarsson blakmaður
  • Kristrún Rut Antonsdóttir knattspyrnukona
  • Matthías Abel Einarsson lyftingamaður
  • Úlfar Jón Andrésson íshokkímaður

Einnig fengu þeir viðurkenningu sem hafa hlotið Íslands- og bikarmeistaratitla á árinu.

/by
,

Hekla Björt íþróttamaður Hveragerðis

Hin unga og efnilega fimleikakona, Hekla Björt Birkisdóttir, var kjörin íþróttamaður ársins í hófi menningar, íþrótta og frístundanefnar Hveragerðisbæjar. Hekla Björt var Íslands- og deildarmeistari í fullorðinsflokki í hópfimleikum, með blönduðu liði Selfoss. Hún var valin í landslið U18 ára blandað lið Íslands í hópfimleikum sem tók þátt í mjög sterku Evrópumóti í Slóveníu og lenti liðið í 3. sæti. Hún var lykilmaður í liði Íslands og keppti á öllum áhöldum. Hekla Björt hefur stundað fimleika hjá fimleikadeild Selfoss í nokkur ár, en áður var hún í fimleikadeild Hamars. Hekla Björt hefur tekið miklum framförum í greininni síðustu ár og er orðin ein af fremstu fimleikakonum landsins.

/by
,

Hafsteinn Valdimarsson blakmaður íslands 2016

Hafsteinn Valdimarsson, blakmaður ársins 2016

Hafsteinn er 27 ára leikmaður með Waldviertel Raffaissen í Austurríki en á síðasta keppnistímabili lék hann með Marienlyst í Odense í Danmörku. Waldviertel Raffaissen er í toppbaráttunni í austurrísku deildinni auk þess að vera í Evrópukeppni. Þessi vistaskipti eru því klárlega skref upp á við fyrir Hafstein.

Afrek Hafsteins 2016

o Danskur bikarmeistari með Marienlyst.

o 2. sæti í dönsku úrvalsdeildinni

o Spilaði með liði sínu í úrslitum Norður-Evrópukeppni félagsliða þar sem liðið endaði í 2. sæti.

o Valinn í lið ársins í Danmörku á síðasta tímabili.

o Stigahæsti leikmaður dönsku úrvalsdeildarinnar í hávörn.

o Einn af burðarásum karlalandsliðs Íslands sem tryggði sér sæti í annari umferð í forkeppni HM í fyrsta skipti í sögu liðsins.

o Íslandsmeistari í strandblaki með Kristjáni Valdimarssyni.

Hafsteinn Valdimarsson er fyrirmyndar blakmaður og æfir af kappi með liði sínu Waldviertel Raffaissen. Hann lék sinn 50. karlalandsleik á árinu og frammistaða hans með landsliðum Íslands er til fyrirmyndar.

Greinin er unnin upp úr grein á heimasíðu Blaksambands Íslands 28.12.2016

/by

Jólakveðja Hamars 2016

/by

9. flokkur karla að keppa í bikarkeppni KKI

Sunnudaginn 18. Desember fór fram bikarleikur í 9. Flokki karla. Valur tók þá á móti sameiginlegu liði Hamars og Þórs, spilað var í OgVodafone höllinni og fyrirfram var búist við frekar erfiðum leik gestanna þar sem heimaliðið er jú ríkjandi íslandmeistarar. Leikurinn byrjaði þó nokkuð jafn og að loknum fyrsta leikhluta leiddu heimamenn með sex stigum, 21-15, og gaf þessi byrjun gestunum byr í seglin og trú á verkefnið. Valsmenn voru þó ekkert endilega á því að vera eitthvað að leyfa gestunum að komast inní leikinn og bættu við forskotið þannig að í hálfleik leiddi Valsmenn með 21 stigi. Þessi munur hélst svo út leikinn þannig að þótt gestirnir hafi verið nokkuð ánægðir með að veita íslandsmeisturunum keppni verður að hafa það bak við eyrað að vissulega var heimaliðið með öruggu forustu allan seinnihálfleik. Leikurinn var þó fínasta skemmtun þar sem ungir leikmenn fengu að spila á aðalvelli OgVodafone hallarinnar og virtust bara njóta þess að fá að vera aðalstjörnur þessa sunnudagskvölds þar sem boðið var uppá skemmtilegan körfubolta. Stigahæstir heimamanna voru Ástþór Svalason 34 stig og Ólafur Gunnlaugsson 18 stig. Hjá Hamri/Þór var Sæmundur Þór Guðlaugsson með 23 stig og Arnar Dagur Daðason með 23 stig

 

/by