Posts

,

Íþróttamaður Hamars 2018: Helga Sóley Heiðarsdóttir

Helga Sóley Heiðarsdóttir er Íþróttamaður Hamars 2018. Þetta var tilkynnt í dag á aðalfundi Hamars sem haldinn var í Grunnskólanum í Hveragerði.

Helga Sóley er ákaflega vel af þessum titli komin, hún hefur verið ein aðalmanneskja körfuknattleiksliðs Hamars í meistaraflokki og verið öflug í unglingalandsliðinu einnig.

Tímabilið 2017-2018 var Helga Sóley að taka sín fyrstu skref í meistaraflokki, enda aðeins 15 ára gömul í upphafi tímabils. Hún varð strax lykilleikmaður í meistaraflokk Hamars sem spilaði í 1.deild. Helga vakti mikla athygli á vellinum fyrir mikla snerpu, ákveðni og dugnað á báðum endum vallarins þrátt fyrir ungan aldur og að vera að spila á móti töluvert eldri og reyndari leikmönnum.

Helga Sóley Heiðarsdóttir í leik.

Á sama tíma var Helga Sóley að spila með sínum jafnöldrum í 10. Flokk kvenna í sameiginlegu liði Hamars og Hrunamanna. Liðið endaði tímabilið með frábærum árangri og náði 4. sæti Íslandsmótsins. Helga Sóley var einn af lykilleikmönnum þessa liðs.

Á vordögum ársins 2018 var Helga Sóley valin í u16 ára landslið Íslands. Hún spilaði með íslenska landsliðinu á Norðurlandamótinu í Helsinki og Evrópumótinu í Serbíu. Helga Sóley var í stóru hlutverki í íslenska landsliðinu þetta ár og var til að mynda byrjunarliðsmaður í öllum leikjum liðsins.

Haustið 2018 hóf Helga Sóley þátttöku í körfuknattleiksakademíu FSu og spilar með stúlknaflokki undir merkjum Fsu. Stúlknaflokkliðið hefur náð góðum árangri á Íslandsmótinu nú þegar tímabilið er hálfnað.. Helga Sóley er einnig lykilleikmaður í meistaraflokki Hamars og fær stórt hlutverk í öllum leikjum liðsins.

Það er ljóst að árið 2018 hefur verið viðburðarríkt hjá þessum unga og efnilega íþróttamanni.

Helga Sóley er metnaðarfull og það fer aldrei fram hjá neinum að hún leggur sig ávallt 100% fram á öllum æfingum og leikjum. Hún skilur enga orku eftir. Hún er sterkur leikmaður á báðum endum vallarins. Í sókninni er hún dugleg að sækja upp að körfunni og stingur jafnan varnarmennina af.. Helga Sóley er líka ákveðinn varnarmaður sem er dugleg að gera sóknarmönnum andstæðingana erfitt fyrir.

Helga Sóley mætir allar æfingar og er dugleg að gera aukaæfingar. Hún hlustar vel á leiðbeiningar frá þjálfurum og er sífellt að vinna í að verða enn betri leikmaður.

Helga Sóley er góð fyrirmynd sem sýnir hvað hægt er að ná langt með áhuga, dugnað og vinnusemi í farteskinu.

Íþróttafélagið Hamar óskar Helgu Sóleyju innilega til hamingju með titilinn og óskum henni alls hins besta í framtíðinni.

Aðrir sem tilnefndir voru eru sem hér segir:

Hluti af þeim hópi sem var tilnefndur í kjöri Íþróttamanns Hamars 2018. Allt saman mikið afreksfólk sem við erum stolt af.

KÖRFUKNATTLEIKSDEILD
Helga Sóley Heiðarsdóttir, körfuknattleiksmaður Hamars 2018

KNATTSPYRNA
Stefán Þór Hannesson, knattspyrnumaður Hamars 2018

SUNDDEILD
María Clausen Pétursdóttir, sundmaður Hamars 2018

BLAKDEILD
Baldvin Már Svavarsson, blakmaður Hamars 2018

BADMINTONDEILD
Margrét Guangbing Hu, badmintonmaður Hamars 2018

FIMLEIKADEILD
Kolbrún Rósa Gunnarsdóttir, fimleikamaður Hamars 2018

/by

Aðalfundur Badmintondeildar Hamars

Aðalfundur Badmintondeildar Hamars verður haldinn laugardaginn 16. febrúar kl. 13 – 14 í fundarherbergi Hamars (inngangur við Crossfit Hengil).

Dagskrá:
Venjuleg aðalfundarstörf.

Allir foreldrar eru hvattir til að mæta

Kveðja,
Stjórn Badmintondeildar.

/by

Aðalfundur Hamars 2019

Aðalfundur Íþróttafélagsins Hamars verður haldinn sunnudaginn 24. febrúar kl 14:00 í Grunnskólanum í Hveragerði

FUNDARBOÐ
Íþróttafélagið Hamar heldur aðalfund í Grunnskólanum
í Hveragerði sunnudaginn 24. febrúar 2019 kl. 14.00

Fundarefni:

  1. Kosning fundarstjóra og fundarritara.
  2. Skýrsla stjórnar.
  3. Reikningsskil.
  4. Venjuleg aðalfundarstörf.
  5. Önnur mál.
  6. Verðlaunaafhending og lýst kjöri íþróttamanns Hamars.
  7. Kaffiveitingar í boði Hamars.

Verið velkomin
Stjórnin

– – –

Hér er fundarboð sem PDF skjal.

/by

Stór blakhelgi framundan

Það er mikið að gera hjá blakdeildinni um helgina en karlaliðið keppir í 1. deildinni klukkan 19:00 í kvöld gegn Aftureldingu B.
Karlaliðið er í toppbaráttu 1. deildarinnar og mikilvæg stig í boði gegn Aftureldingu.

Kvennaliðin spila svo sína hvora 5 leikina. Á Akureyri er keppnishelgi í 5. deild og þar er B-lið félagsins í botnbaráttu. í Kórnum í Kópavogi er keppt í 2. deild og þar er A-liðið um miðja deild.

Samtals spila lið Hamars því 11 blakleiki á Íslandsmóti um helgina.

/by

Körfuknattleiksfólk Hveragerðis 2018

Föstudaginn 28. desember var kynnt val á íþróttafólki Hveragerðis 2018. Þar tilnefna deildir Hamars sína íþróttamenn auk þess sem veitar eru viðurkenningar til landsliðsfólks. Hvergerðingar eiga  tvær landsliðsstúlkur, Gígja Marín Þorsteinsdóttir og Helga Sóley Heiðarsdóttir og einnig voru valinn körfuknattleikskona, Helga Sóley Heiðarsdóttir, og körfuknattleiksmaður, Arnar Dagur Daðason fyrir árið 2018. Á mynd með frétt eru Arnar Dagur og Gígja Marín.

/by

Hamar HSK meistari barna og unglinga 2018

Hamar hafði sigur eftir æsispennandi stigakeppni við Þór og Dímon á HSK móti barna og unglinga sem fram fór í Þorlákshöfn í dag. Margrét Guangbing Hu og Valgarð Ernir Emilsson urðu tvöfaldir HSK meistarar í U15 og U17 flokki. Hamar átti tíu keppendur í U11 sem kepptu ekki til stiga í mótinu en allir fengu marga góða og spennandi leiki og öll fengu þátttökuverðlaun í lokin.

 

 

/by

Hamarssigur í fyrsta leik

Hamar og ÍR mættust í kvöld í íþróttahúsinu í Hveragerði í fyrsta leik 1.deildar kvenna á þessu tímabili. Liðin voru jöfn framan af leik en Hamar tók að síga fram úr undir lok 1. leikhluta, sá leikhluti fór 15-9 fyrir Hamar. Hamar leiddi í hálfleik 32-25. ÍR byrjaði síðari hálfleik af krafti og náði að minnka muninn niður í 2 stig. Þær pressuðu stíft á Hamarskonur sem lentu í smá basli við að leysa pressuna. Hamar tók svo forystuna aftur en liðið var að spila góðan varnarleik í seinni hálfleik og voru Helga Sóley og Íris sérstaklega grimmar að stela boltum. Hamar var svo með nokkuð örugga forystu allan síðasta leikhlutann og endaði leikurinn 69-56 fyrir Hamri.

 

Það var sérstaklega gaman að sjá Írisi Ásgeirsdóttur aftur á parketinu en hún átti þrusu leik, var stigahæst í liðinu með 18 stig, 7 fráköst og 5 stoðsendingar. Það var líka gaman að sjá þrjá unga leikmenn stíga sín fyrstu spor í meistaraflokki en þær koma frá Hrunamönnum. Það eru þær Una Bóel Jónsdóttir, Margrét Thorsteinson og Perla María Kristjánsdóttir sem stóðu sig allar mjög vel. Perla María átti mjög flotta innkomu af bekknum, endaði leikinn með 13 stig og átti mikilvægar körfur í síðari hluta leiksins. Álfhildur Þorsteinsdóttir átti góðan leik undir körfunni og skoraði 11 stig og reif niður 18 fráköst. Helga Sóley Heiðarsdóttir var með 11 stig og 5 stolna bolta. Gígja Marín Þorsteinsdóttir skoraði 5 stig, Bjarney Sif Ægisdóttir 5 stig, Dagrún Inga Jónsdóttir 4 stig, Rannveig Reynisdóttir var með 2 stig og 6 fráköst. Góður sigur liðsheildar Hamars þar sem allir lögðu sitt af mörkum.

 

Hjá ÍR átti Sigurbjörg Rós Sigurðardóttir góðan leik, var með 10 stig og 8 fráköst. Nína Jenný Kristjánsdóttir var öflug undir körfunni og setti 13 stig. Birna Eiríksdóttir setti 11 stig og Katla María Stefánsdóttir setti 9 stig.

 

Það var vel mætt í íþróttahúsið í Hveragerði í kvöld og tímabilið fer vel af stað hjá Hamarskonum. Næsti leikur þeirra er í Njarðvík laugardaginn 13. október.

Tölfræðileiksins má finna hér

/by

Fyrirlestur 27. september nk.

/by

Margrét valin í unglingalandslið Íslands

Tinna Helgadóttir og Atli Jóhannesson landsliðsþjálfarar hafa valið Margréti Guangbing Hu frá Hamri í unglingalandslið Íslands í badminton. Þau tilkynntu í september þá 26 keppendur frá fimm félögum í U3 – U17 landsliðið sem reglulega mun taka þátt í æfingabúðum í Reykjavík auk þess sem keppendur verða valdir í mót erlendis. 

 

/by

Flottur árangur Hamars á Reykjavíkurmóti unglinga

Lilja sigurvegari í U15 og Margrét með silfrið

 

Hamar átti að þessu sinni þrjá keppendur í U15 – U17 flokki á fyrsta A móti unglinga í badminton sem fram fór í TBR húsunum 22.september sl.
Keppt var í riðlum í einliðaleik og var hreinn útsláttur í tvíliða- og tvenndarleikjum. 

Öll fengu þau jafna og erfiða leiki enda er þetta A-flokks mót og keppni því mjög hörð. Margrét Guangbing Hu komst í úrslit  í einliðaleik og endað með silfur í sínum flokki.

Nánari úrslit má sjá hér:

https://www.tournamentsoftware.com/sport/tournament.aspx?id=3CD44A8C-8B5D-4C0D-A8CA-D161A906A1AE

/by