ÆFINGATAFLA VETUR 2024 | KÖRFUBOLTADEILD HAMARS
| Mánudagur | Þriðjudagur | Miðvikudagur | Fimmtudagur | Föstudagur | Laugardagur | Sunnudagur | |
| Karfa – Kríli 3-5 ára | 11:00-12:00 | ||||||
| Fjölgreina – Karfa 1-2 bekkur | 13:30-14:20 | ||||||
| MB 8-11 kvk 3-5 bekkur | 14:20-15:10 | 14:30-15:30 | 14:15-15:00 | ||||
| MB 8-11 kk 3-5 bekkur | 14:20-15:10 | 14:15-15:00 | 13:20-14:10 | ||||
| 7-8 fl kvk 7-8 bekkur | 17:00-18:00 | 15:30-17:00 | 17:00-18:15 – ÞH | 15:00-16:30 | |||
| 7-8 fl kk 7-8 bekkur | 16:20-17:30 | 18:00-19:30 – ÞH | 15:30-17:00 | 13:30-15:00 | |||
| 9-10 fl kk 9-10 bekkur | 15:10-16:20 | 18:45-20:00 – ÞH | 20:30-22:00 | 16:30-18:00 | 16:30-18:00 | ||
| 12 flokkur | 16:30-18:00 | ||||||
| ÞH = Þorlákshöfn |
FRÉTTIR | KÖRFUBOLTADEILD HAMARS
Hamarsstrákarnir spiluðu sinn fyrsta heimaleik í 1. deildinni á þessu tímabili í gærkvöldi þegar gulklæddir Skagamenn kíktu í heimsókn í frystikistuna. Leikir þessara liða hafa oft verið skemmtilegir og mikil barátta en leikurinn í gær olli þó nokkrum vonbrigðum.
Töluvert var um mistök hjá báðum liðum í fyrsta leikhluta og Skagamenn ofast undan að skora. Bæði lið spiluðu ágætis varnaleik í þessum fyrsta leikhluta sem sást á stigaskorinu, en skaginn leiddi 17-18 af leikhlutanum loknum.
Í öðrum leikhluta gekk sóknin betur hjá liðunum en á kostnað varnarleiksins sem var mjög slakur hjá báðum liðum. Bandaríkjamaður okkar Hamarsmanna, Samuel Prescott Jr., átti frábæran annan leikhluta og tók leikinn yfir á stuttum kafla en kappinn gerði 16 stig í leikhlutanum. Um miðbik annars leikhluta náði Hamar 18 stiga forustu, 45-27, og voru þá í dauðafæri að ganga frá leiknum en gerðu það ekki og Skaginn kom með gott áhlaup og skoruðu hverjar körfuna af fætur annarri síðustu fimm mínútur leikhlutans. Leikhlutinn fór 34-27 fyrir Hamri og staðan í hálfleik 51-45.
Hallgrímur þjálfari hefur greinilega messað vel yfir strákunum í hálfleik því liðið kom með miklum krafti inní þriðja leikhluta og vörnin var mjög góð. Tölur eins og 57-47, 67-52 og 74-52 sáustu í þessum leikhluta og Hamarsliðið var með góð tök á leiknum. Aðeins Sean Wesley Tate í liði Skagmanna sýndi eitthvað af viti en aðrir voru farþegar hjá þeim. Mjög góður leikhluti hjá Hamri sem vann hann 25-14 og staðan fyrir síðasta leikhlutann 76-59.
Fjórði leikhluti var grútleiðinlegur og Hamarsliðið verður að gera betur en þeir sýndu á löngum köflum í þessu síðasta leikhluta. Varnarleikur liðsins var lélegur eins og í öðrum leikhluta og Skagamenn unnu leikhlutann 22-27. Líklega var komin einhver værukærð í Hamarsmenn en það verður að spila allar 40 mínúturnar og læra að ganga frá leikjum eins og liðið átti að gera í gær. Lokatölur voru 98-86 og sóknarleikur liðsins mjög góður en Hallgrímur getur ekki verið sáttur með varnarleik liðsins á köflum í leiknum.
Maður leiksins hjá Hamri var Samuel Prescott Jr. með 36 stig, 4 fráköst, 4 stoðsendingar og með mjög góða skotnýtingu. Oddur Ólafs átti einnig öflugan leik með 13 stoðsendingar, 8 fráköst og bætti við 6 stigum auk þess að spila öflugan varnarleik og stjórnaðir leik liðsins með mikilli prýði. Siggi Haff, Össi og Steini Gunn skiluðu allir sínu mjög vel en byrjunarliði skoraði 87 stig af þessum 98. Byrjunarliðið var Oddur, Siggi, Samuel Prescot, Össi og Steini.
Það er ekki hjá því komist að rita um dómar leiksins þá Sigurbald og Gunnar Thor. Þeir höfðu skelfileg tök á leiknum og misræmi í dómum var mjög mikið, studum mikið leyft og svo allt í einu lítið leyft. Leikurinn var ekkert svo harður en samt voru dæmdar 58 villur í leiknum sem er fáránlega mikið en sem dæmi voru dæmdar 35 villur í leik Hauka og KR í Domino’s deild karla á sama tíma. Þeir læra vonandi af þessu því svona dómgæsla eins og sást í gær er ekki boðleg frá stéttinni. Rétt er að minna á það samt að dómgæslan hallaði á hvorugt liðið í leiknum.
Næsti leikur hjá strákunum er í bikarnum en þá koma einmitt Skagamenn aftur í heimsókn næstkomandi föstudag.
Áfram Hamar!
Mynd: sunnlenska.is
Domino´s deild kvenna hefst á morgun og byrja stelpurnar okkar á heimaleik við ríkjandi Íslandsmeistara í Snæfelli.
Á árlegum kynningarfundi fyrir Domino´s -deildirnar sem haldinn var í Laugardalshöllinni í dag var birt spá fyrirliða, þjálfara og forráðamanna félaganna líkt og venjan er við upphaf hvers tímabils. Ekki er Hamarsstelpum spáðu góðu gengi, en þeim er spáð 7 og neðsta sæti. Stelpurnar ætla auðvita að afsanna þessa spá en liðið hefur vissulega gengið í gegnum töluverðar breytingar frá síðasta tímabili og Daði Steinn tók við liðinu rétt fyrir mót eins og við greindum frá hér á síðunni fyrir skemmstu. Aðeins 7 lið taka þátt í deildinni í vetur þar sem KR gaf sæti sitt eftir og því munu ekki 8 lið spila í deildinni í vetur eins og venjan er.
Stöð 2 Sport mun heldur betur auka umfang sitt við Domino´s-deildirnar á komandi leiktíð. Nýr samningur KKÍ og Stöðvar 2 Sport er tímamótasamnigur fyrir íslenskan körfubolta, en beinar útsendingar verða í vetur úr öllum umferðum Domino´s deildar kvenna og karla ásamt körfuboltakvöld.
Spá fyrirliða og formanna 2015-2016 – konur
1. Haukar 144
2. Keflavík 107
3. Valur 86
4. Stjarnan 80
5. Snæfell 73
6. Grindavík 67
7. Hamar 30
Mynd: Íris Ásgeirsdóttir er komin úr barneignarleyfi og það er mikill liðstyrkur fyrir Hamarsliðið.
Áfram Hamar!
Núna er kominn sá árstími að körfuboltinn fer að skoppa á fullu, flest öllum til mikilar ánægju. Það eru stelpurnar okkar sem munu ríða á vaðið á miðvikudaginn kl 19:15 þegar nýkríndir Meistarar Meistaranna Snæfell mæta til leiks. Miklar sviptingar hafa verið á síðustu misserum hjá kvennaliðinu en þær fengu meðal annars nýja mann í brúna, Daða Stein sem flestir þekkja.
Karlarnir eru með svipað lið uppi á teningnum og frá því í fyrra en Oddur Ólafsson er snúinn aftur heim ásamt því að nýr erlendur leikmaður Samuel Prescot er genginn til liðs við félagið. Strákarnir byrja á útivelli gegn Fjölni í dalshúsum á föstudaginn kl 19:30. Við hlökkum til að sjá sem flesta á leikjum liðanna í vetur.
Einnig hélt körfuknattleiksdeildin uppá bingó 16.semptember síðastliðinn á heilsuhælinu. Bingóið var afar vel sótt og var það Auður Pedersen sem hlaut aðalvinning kvöldsins gjafabréf frá Wow air. Á myndinni má sjá Auði ásamt Sigurði bingóstjóra og Lárusi formanni Körfuknattleiksdeildarinnar
Áfram Hamar!
STJÓRN & ÞJÁLFARAR 2024-2025 | KÖRFUBOLTADEILD HAMARS
“The most important thing is to try and inspire people so that they can be great in whatever they want to do.”
– Kobe Bryant
Stjórn
| NAFN | HLUTVERK | NETFANG |
|---|---|---|
| Tryggvi Hofland | Formaður | hofland76@internet.is |
| Tinna Rós Vilhjálmsdóttir | Gjaldkeri | tinnaros13@gmail.com |
| Bjarney Sif Ægisdóttir | Ritari | bjarney29@gmail.com |
| Berglind Karen Ingvarsdóttir | Meðstjórnandi | berglindkaren4@gmail.com |
| Sveinbjörn Skúlason | Meðstjórnandi | svenniskula30@gmail.com |
MEISTARAFLOKKSRÁÐ KARLA
| NAFN | HLUTVERK | NETFANG |
|---|---|---|
MEISTARAFLOKKSRÁÐ KVENNA
| NAFN | HLUTVERK | NETFANG |
|---|---|---|
YNGRIFLOKKARÁÐ
| NAFN | HLUTVERK | NETFANG |
|---|---|---|
| Íris Ásgeirsdóttir | irisasgeirs@hotmail.com | |
| Berglind Karen Ingvarsdóttir | berglindkaren4@gmail.com | |
| Katrín Sveinsdóttir | katrínsveins@hotmail.com | |
| Íris Alma Össurardóttir | irisalmaossurardottir@gmail.com |
ÞJÁLFARAR
| FLOKKAR | ÞJÁLFARI | SÍMI |
|---|---|---|
| Meistaraflokkur karla | Halldór Karl Þórsson | |
| Meistaraflokkur kvenna | Hákon Hjartarsson | |
| Meistaraflokkur karla B | ||
| 9.-10. flokkur karla | ||
| 7.-8 flokkur karlaSveinbjörn Skúlason | ||
| Míkróbolti 10-11 ára kk | ||
| Míkróbolti 10-11 ára kvk | ||
| Mikróbolti 3.-4. bekkur kk | ||
| Mikróbolti 3.-4. bekkur kvk | ||
| Mikróbolti 1.-2. bekkur |
LÖG | KÖRFUBOLTADEILD HAMARS
1. Kafli um körfuknattleiksdeild Hamars
1. grein. Félagið er hluti af Íþróttafélaginu Hamri, og sinnir körfuknattleik innan þess félags. Körfuknattleiksdeild Hamars hefur aðsetur sitt í Hveragerði á Suðurlandi.
2. grein. Merki félagsins er: Sjá á forsíðu
3. grein. Keppnisbúningur og æfingabúningur félagsins skal vera í bláum og hvítum aðallitum með hvítri áletrun og merki félagsins í vinstri barmi. Meistaraflokkum félagsins er heimilt að útfæra ofangreinda aðalliti á keppnisbúningum að eigin vild, en þó fá staðfestingu stjórnar kkd Hamars. Heimilt er að setja á aðra búninga en keppnisbúninga, táknmerki viðkomandi deildar og flokks. 2. kafli Markmið Íþróttafélagsins Hamars
4. grein. Markmið félagsins eru:
a. Að efla áhuga á körfuknattleik, líkamsrækt og heilbrigðu líferni.
b. Að standa fyrir öflugu og faglegu íþrótta/körfuknattleiks- og félagsstarfi, sérstaklega meðal barna og unglinga.
c. Efla keppnis- og afreksíþróttir.
d. Að vinna gegn tóbaksreykingum, neyslu áfengis og vímuefna.
e. Að vinna að markmiðum og stefnuskrá Íþrótta- og Ólympíusambands Íslands og Ungmennafélags Íslands með kjörorðunum „ÍSLANDI ALLT“.
5. grein. Körfuknattleiksdeild Hamars er aðili að íþróttafélaginu Hamri og þá um leið að Héraðssambandinu Skarphéðni (HSK), sem er aðili að Íþrótta- og Ólympíusambandi Íslands (ÍÓÍ) og Ungmennafélagi Íslands(UMFÍ).
3. kafli Félagar
6. grein. Körfuknattleiksdeild er myndað af einstaklingum sem mynda ráð um iðkun karla, kvenna og yngri flokka í körfuknattleik og hafa sameiginlega aðalstjórn, sem er æðsti aðili körfuknattleiksdeildar milli aðalfunda.
7. grein. Félagi getur hver sá orðið sem æskir þess og greiðir árgjald (sé það innheimt) eða iðkenndagjald. Félagar skuldbinda sig til að fara að lögum félagsins, hlíta keppnisreglum og vera félaginu til sóma hvarvetna sem þeir koma fram á vegum eða fyrir hönd félagsins. Stjórn er heimilt að óska eftir þvi við aðalstjórn að víkja félaga úr félaginu hafi hann brotið gegn lögum félagsins eða álíti hún framkomu hans eða gjörðir að öðru leyti vítaverðar.
8. grein. Heimilt er að afla styrktarfélaga sem hafa öll sömu réttindi og aðrir félagar.
9. grein. Körfuknattleiksdeild Hamars hefur heimild til að innheimta árgjald félaga þó að fengnu samþykki aðalstjórnar Hamars. Skal það vera sama hjá öllum félögum og ákveðið á aðalfundi félagsins 4. kafli Deildir
10. grein. Körfuknattleiksdeild skal standa fyrir iðkun og eftir atvikum æfingum og keppni í körfuknattleik skv. skilgreiningu ÍÓÍ. Körfuknattleiksdeild skal halda sérstaka skrá yfir þá flokka sem starfandi eru innan félagsins hverju sinni. Til þess að flokkur teljist starfhæfur skal að jafnaði a.m.k. 5 félagar skráðir í viðkomandi flokk. Þó skal leyfa undantekningu sé flokkur starfræktur í samstarfi við annað félag.
11. grein. Hvert ráð innan körfuknattleiksdeildar Hamars hefur sérstaka stjórn og sér fjárhag. Stjórn hvers ráðs skal skipuð þrem til fimm mönnum; formanni, gjaldkera og ritara sem og allt að tveimur meðstjórnendum. Formaður körfuknattleiksdeildar er kosinn sérstaklega á aðalfundi og deildarstjórn ákveður verkaskiptingu meðstjórnenda á fyrsta stjórnarfundi. Kjörtímabil deildarstjórna er á milli aðalfunda körfuknattleiksdeildar. Skylt er að halda stjórnarfundi reglulega. Heimilt er að stofna unglingaráð innan körfuknattleiksdeildar sem skal sérstaklega sjá um og vinna að eflingu starfsins hjá börnum og unglingum. Unglingaráð starfar á vegum stjórnar deildarinnar og skal kosið í það á aðalfundi deildar eða skipun þess staðfest á aðalfundi. Unglingaráð hefur síðan heimild til að ráða yfirþjálfara sem sinnir daglegu starfi yngri flokka körfuknattleiksdeildar. Sé ekki starfandi unglingaráð skal stjórn körfuknattleiksdeildar ráða yfirþjálfara í starfið. Halda skal fjárhag unglingaráðs aðskildum frá öðrum fjárhag deildarinnar en áætlanir og ákvarðanir um fjáraflanir og ráðstöfun fjármuna skulu hljóta samþykki deildarstjórnar, og lúta að öllu leyti sömu skilmálum og gilda um fjármál deilda, sbr. m.a. ákvæði 13. greinar laga þessara. Að sama skapi er heimilt að stofna sérstök meistaraflokksráð sem lúta sömu skilyrðum og unglingaráð.
12. grein. Ráð körfuknattleiksdeildar skulu framfylgja samþykktum aðalfunda körfuknattleiksdeildar og ráða daglegum rekstri þeirra, þar á meðal ráða þjálfara og ákveða laun þeirra. Hvert ráð skal halda nákvæmt félaga- og
iðkendatal samkvæmt lögum og reglum UMFÍ og ÍÓÍ. Hver deild skal skila stjórn körfuknattleiksdeildar félagatali sínu fyrir 30 janúar ár hvert. Stjórn körfuknattleiksdeildar skal setja verklagsreglur um fjárreiður og bókhald félagsins og deilda þess og skal stjórn körfuknattleiksdeildar hafa eftirlit með því að þeim sé fylgt. Hverju ráði er skylt að leita samþykkis stjórnar körfuknattleiksdeildar ef hún hyggur á lántökur til reksturs deildar í lengri eða skemmri tíma. Hver ráð aflar fjár til sinnar starfsemi og hefur tekjur af: a. Árgjöldum flokks/a. b. Æfingagjöldum. c. Styrktarfélagsgjöldum. d. Ágóða af íþróttamótum viðkomandi ráðs. e. Lottótekjum skv. skiptareglum og öðru fjármagni til skipta. f. Öðrum tekjuöflunarleiðum sem ekki rekast á við starf annarra deilda. Deildarstjórn skal halda skýrslu um starf deildarinnar sem lögð skal fyrir aðalfund deildarinnar og afhent aðalstjórn til birtingar í ársskýrslu félagsins.
13. grein. Aðalfundir körfuknattleiksdeildar Hamars skal vera haldnid eigi síðar en 15. febrúar fyrir liðið starfsár. Atkvæðisrétt á aðalfundi körfuknattleiksdeildar hafa allir félagar/iðkendur deildarinnar, enda hafi þeir greitt öll lögboðin gjöld. Kjörgengir eru þó aðeins félagar deildarinnar sem náð hafa 15 ára aldri, nema til formanns og gjaldkera verða þeir að vera 18 ára. Til aðalfundar deildar skal boða með viku fyrirvara með auglýsingu á heimasíðu félagsins. Er hann löglegur sé löglega til hans boðað. Stjórn skal leggja fyrir aðalfund fjölfaldaða ársskýrslu, ársreikninga og fjárhagsáætlun. Dagskrá aðalfunda deilda skal vera sem hér segir:
1. Formaður deildarinnar setur fundinn.
2. Kosnir fundarstjóri og fundarritari.
3. Formaður leggur fram ársskýrslu deildarinnar
4. Gjaldkeri leggur fram og útskýrir endurskoðaða reikninga, sem síðan eru bornir undir atkvæði.
5. Gjaldkeri leggur fram fjárhagsáætlun til afgreiðslu.
6. Stjórnarkjör: a. Kosinn formaður. b. Kosnir meðstjórnendur
7. Önnur mál. Á aðalfundi deilda ræður meirihluti atkvæða úrslitum allra mála. Kosning deildarstjórna skal vera skrifleg, ef þurfa þykir. Ef atkvæði eru jöfn skal kosið bundinni kosningu og fáist enn ekki úrslit skal hlutkesti ráða.
14. grein Vanræki körfuknattleiksdeild að halda aðalfund á tilsettum tíma, skal framkvæmdastjórn félagsins boða til fundarins og sjá um framkvæmd hans. Sé deild lögð niður eða starfsemi leggst af tímabundið skal aðalstjórn fara með vald deildarinnar og fjármuni.
STUÐNINGSMANNAFÉLAG | KÖRFUBOLTADEILD HAMARS
Félagið hefur að markmiði sínu að styðja við bakið á meistaraflokkum Hamars í körfuboltanum og tryggja þeim sem breiðast og best bakland þegar kemur að æfingum og keppni í íþróttinni.
Hægt er að ganga í félagið með útfyllingu á umsóknarblaði og styrkja um leið félagið um vissa upphæð mánaðarlega en á móti kemur að félagsmenn í Stuðningsmannaklúbbnum fá frítt á heimaleiki Hamars.
Klúbburinn stuðlar að betri tengingu milli leikmanna, stjórnar og stuðningsmanna félagsins á ýmsa vegu.
Formaður Stuðningsmannaklúbbs Kkd. Hamars er Davíð Jóhann Davíðsson david@hbgrandi.is