ÆFINGATAFLA VETUR 2024 | KÖRFUBOLTADEILD HAMARS
| Mánudagur | Þriðjudagur | Miðvikudagur | Fimmtudagur | Föstudagur | Laugardagur | Sunnudagur | |
| Karfa – Kríli 3-5 ára | 11:00-12:00 | ||||||
| Fjölgreina – Karfa 1-2 bekkur | 13:30-14:20 | ||||||
| MB 8-11 kvk 3-5 bekkur | 14:20-15:10 | 14:30-15:30 | 14:15-15:00 | ||||
| MB 8-11 kk 3-5 bekkur | 14:20-15:10 | 14:15-15:00 | 13:20-14:10 | ||||
| 7-8 fl kvk 7-8 bekkur | 17:00-18:00 | 15:30-17:00 | 17:00-18:15 – ÞH | 15:00-16:30 | |||
| 7-8 fl kk 7-8 bekkur | 16:20-17:30 | 18:00-19:30 – ÞH | 15:30-17:00 | 13:30-15:00 | |||
| 9-10 fl kk 9-10 bekkur | 15:10-16:20 | 18:45-20:00 – ÞH | 20:30-22:00 | 16:30-18:00 | 16:30-18:00 | ||
| 12 flokkur | 16:30-18:00 | ||||||
| ÞH = Þorlákshöfn |
FRÉTTIR | KÖRFUBOLTADEILD HAMARS
Í vetur ætlum við að setjast niður með leikmönnum og þjálfara Hamars og spyrja þá spurninga yfir einum kaffi bolla. Nú er röðin komin að Hlyni Snæ Wiium Stefánssyni. Hlynur er uppalinn hjá Hamri og er á sínu öðru ári í meistaraflokki.
Staða: Skotbakvörður
Happatala: 13
Versti fatastílinn: Woods fær þann titill
Erfiðasti andstæðingurinn: Það mun vera Björn Ásgeir
Ef þú mætir velja einn til þess að blokka fara í hraðaupphlaup og troða í andlitið á, hver væri það? Sá maður væri Oddur Ólafsson
Vandræðalegasta augnablik: Þegar Chris Woods blokkaði mig á æfingu um daginn
Komdu með eina staðreynd um þig sem flestir vita ekki um: Ég elska að taka til
Segðu okkur frá skemmtilegu atviki sem gerst hefur í leik eða æfingu:
Ruðningurinn sem Bjarki tók á móti Ármanni fyrr í vetur.
Hverjir verða íslandsmeistarar í körfuknattleik? Tindastóll tekur þetta í ár
Fyrrum Kaffibollar
Skólastrákarnir í FSu mættu í Frystikistunna í Hveragerði síðastliðinn fimmtudag í grannaslag. Fyrir leikinn voru FSu menn sæti ofar en Hamar en liðin sátu í 5 og 6 sæti deildarinnar. Leikurinn byrjaði ekki vel fyrir FSu en stíf vörn Hamarsmanna gerði Selfyssingum erfitt fyrir í sókninni. Hamarsmenn stálu boltanum ítrekað og settu auðveld sniðskot á hinum enda vallarins. Það má því segja að Hamarsmenn hafi hreinlega fryst FSu drengi. Staðan 43-28 í hálfleik. Leikurinn var má segja ráðinn, og ógnuðu FSu menn aldrei Hamarsmönnum neitt að ráði og voru lokatölurnar 85 – 75 heldur litlar miðað við yfirburði Hamars í leiknum. Mest leiddu Hamarsmenn með 21 stigi. Chris Woods var með 24 stig og 15 fráköst, á meðan Motley í liði FSu var með rúm 50% stiga sinna manna eða 41 stig og 15 fráköst. Hamarsmenn eru því komnir uppí 5 sæti deildarinar á kostnað FSu. Næsti leikur er svo gegn ÍA á föstudaginn 25.nóv kl 19:15
Í vetur ætlum við að setjast niður með leikmönnum og þjálfara Hamars og spyrja þá spurninga yfir einum kaffi bolla. Nú er röðin komin að Ísaki Sigurðarsyni, 16 ára dreng sem er að stíga sín fyrstu skref í meistaraflokki.
Staða: Framherji/Miðherji
Happatala: 11
Versti fatastílinn: Allir í liðinu nema ég
Erfiðasti andstæðingurinn: Örn
Ef þú mætir velja einn til þess að blokka fara í hraðaupphlaup og troða í andlitið á, hver væri það? Diddi eða Rúnar
Vandræðalegasta augnablik: Þegar ég mætti í kosýfötum í afmæli
Komdu með eina staðreynd um þig sem flestir vita ekki um: Ég er 110 kg eftir góða máltíð
Segðu okkur frá skemmtilegu atviki sem gerst hefur í leik eða æfingu:
Í preseason-inu spiluðum við tvo æfingaleiki við fsu. Í fyrsta leiknum erum við að tapa með einu og lítið er eftir af leiknum. Þá kemur Diddi aka Mr. Clutch og hendir í einn mid range jumper sem var ekkert annað en bara net og gefur okkur eins stigs forskot þegar innan við 5 sek eru eftir = sigur. Dagarnir líða þangað til það er komið að næsta leik. Í þeim leik var mikil hiti. Orðið bangsímon fèkk að renna af tungum Hamarsmanna og var leikurinn stál í stál fram að seinustu sekúndu (Enda fsu fullsvekktir að hafa fengið þennan jumper frá Didda í grillið á sèr í seinasta leik). En það er ekki frá sögu færandi nema hvað, við erum komnir í nákvæmlega sömu stöðu og í fyrri leiknum. Við erum undir með einu, lítið er eftir og við erum í sókn. Á einhvern æðislegan hátt endar Diddi á nákvæmlega sama stað og síðast, með boltann, tekur skot, klukkan syngur og svo SPLASH. Diddi var búinn að vinna leikinn með flautu körfu og það hefði mátt halda að hann hafi gert þetta áður
Hverjir verða íslandsmeistarar í körfuknattleik? KR karlameginn og Skallagrímur kvennamegin
STJÓRN & ÞJÁLFARAR 2024-2025 | KÖRFUBOLTADEILD HAMARS
“The most important thing is to try and inspire people so that they can be great in whatever they want to do.”
– Kobe Bryant
Stjórn
| NAFN | HLUTVERK | NETFANG |
|---|---|---|
| Tryggvi Hofland | Formaður | hofland76@internet.is |
| Tinna Rós Vilhjálmsdóttir | Gjaldkeri | tinnaros13@gmail.com |
| Bjarney Sif Ægisdóttir | Ritari | bjarney29@gmail.com |
| Berglind Karen Ingvarsdóttir | Meðstjórnandi | berglindkaren4@gmail.com |
| Sveinbjörn Skúlason | Meðstjórnandi | svenniskula30@gmail.com |
MEISTARAFLOKKSRÁÐ KARLA
| NAFN | HLUTVERK | NETFANG |
|---|---|---|
MEISTARAFLOKKSRÁÐ KVENNA
| NAFN | HLUTVERK | NETFANG |
|---|---|---|
YNGRIFLOKKARÁÐ
| NAFN | HLUTVERK | NETFANG |
|---|---|---|
| Íris Ásgeirsdóttir | irisasgeirs@hotmail.com | |
| Berglind Karen Ingvarsdóttir | berglindkaren4@gmail.com | |
| Katrín Sveinsdóttir | katrínsveins@hotmail.com | |
| Íris Alma Össurardóttir | irisalmaossurardottir@gmail.com |
ÞJÁLFARAR
| FLOKKAR | ÞJÁLFARI | SÍMI |
|---|---|---|
| Meistaraflokkur karla | Halldór Karl Þórsson | |
| Meistaraflokkur kvenna | Hákon Hjartarsson | |
| Meistaraflokkur karla B | ||
| 9.-10. flokkur karla | ||
| 7.-8 flokkur karlaSveinbjörn Skúlason | ||
| Míkróbolti 10-11 ára kk | ||
| Míkróbolti 10-11 ára kvk | ||
| Mikróbolti 3.-4. bekkur kk | ||
| Mikróbolti 3.-4. bekkur kvk | ||
| Mikróbolti 1.-2. bekkur |
LÖG | KÖRFUBOLTADEILD HAMARS
1. Kafli um körfuknattleiksdeild Hamars
1. grein. Félagið er hluti af Íþróttafélaginu Hamri, og sinnir körfuknattleik innan þess félags. Körfuknattleiksdeild Hamars hefur aðsetur sitt í Hveragerði á Suðurlandi.
2. grein. Merki félagsins er: Sjá á forsíðu
3. grein. Keppnisbúningur og æfingabúningur félagsins skal vera í bláum og hvítum aðallitum með hvítri áletrun og merki félagsins í vinstri barmi. Meistaraflokkum félagsins er heimilt að útfæra ofangreinda aðalliti á keppnisbúningum að eigin vild, en þó fá staðfestingu stjórnar kkd Hamars. Heimilt er að setja á aðra búninga en keppnisbúninga, táknmerki viðkomandi deildar og flokks. 2. kafli Markmið Íþróttafélagsins Hamars
4. grein. Markmið félagsins eru:
a. Að efla áhuga á körfuknattleik, líkamsrækt og heilbrigðu líferni.
b. Að standa fyrir öflugu og faglegu íþrótta/körfuknattleiks- og félagsstarfi, sérstaklega meðal barna og unglinga.
c. Efla keppnis- og afreksíþróttir.
d. Að vinna gegn tóbaksreykingum, neyslu áfengis og vímuefna.
e. Að vinna að markmiðum og stefnuskrá Íþrótta- og Ólympíusambands Íslands og Ungmennafélags Íslands með kjörorðunum „ÍSLANDI ALLT“.
5. grein. Körfuknattleiksdeild Hamars er aðili að íþróttafélaginu Hamri og þá um leið að Héraðssambandinu Skarphéðni (HSK), sem er aðili að Íþrótta- og Ólympíusambandi Íslands (ÍÓÍ) og Ungmennafélagi Íslands(UMFÍ).
3. kafli Félagar
6. grein. Körfuknattleiksdeild er myndað af einstaklingum sem mynda ráð um iðkun karla, kvenna og yngri flokka í körfuknattleik og hafa sameiginlega aðalstjórn, sem er æðsti aðili körfuknattleiksdeildar milli aðalfunda.
7. grein. Félagi getur hver sá orðið sem æskir þess og greiðir árgjald (sé það innheimt) eða iðkenndagjald. Félagar skuldbinda sig til að fara að lögum félagsins, hlíta keppnisreglum og vera félaginu til sóma hvarvetna sem þeir koma fram á vegum eða fyrir hönd félagsins. Stjórn er heimilt að óska eftir þvi við aðalstjórn að víkja félaga úr félaginu hafi hann brotið gegn lögum félagsins eða álíti hún framkomu hans eða gjörðir að öðru leyti vítaverðar.
8. grein. Heimilt er að afla styrktarfélaga sem hafa öll sömu réttindi og aðrir félagar.
9. grein. Körfuknattleiksdeild Hamars hefur heimild til að innheimta árgjald félaga þó að fengnu samþykki aðalstjórnar Hamars. Skal það vera sama hjá öllum félögum og ákveðið á aðalfundi félagsins 4. kafli Deildir
10. grein. Körfuknattleiksdeild skal standa fyrir iðkun og eftir atvikum æfingum og keppni í körfuknattleik skv. skilgreiningu ÍÓÍ. Körfuknattleiksdeild skal halda sérstaka skrá yfir þá flokka sem starfandi eru innan félagsins hverju sinni. Til þess að flokkur teljist starfhæfur skal að jafnaði a.m.k. 5 félagar skráðir í viðkomandi flokk. Þó skal leyfa undantekningu sé flokkur starfræktur í samstarfi við annað félag.
11. grein. Hvert ráð innan körfuknattleiksdeildar Hamars hefur sérstaka stjórn og sér fjárhag. Stjórn hvers ráðs skal skipuð þrem til fimm mönnum; formanni, gjaldkera og ritara sem og allt að tveimur meðstjórnendum. Formaður körfuknattleiksdeildar er kosinn sérstaklega á aðalfundi og deildarstjórn ákveður verkaskiptingu meðstjórnenda á fyrsta stjórnarfundi. Kjörtímabil deildarstjórna er á milli aðalfunda körfuknattleiksdeildar. Skylt er að halda stjórnarfundi reglulega. Heimilt er að stofna unglingaráð innan körfuknattleiksdeildar sem skal sérstaklega sjá um og vinna að eflingu starfsins hjá börnum og unglingum. Unglingaráð starfar á vegum stjórnar deildarinnar og skal kosið í það á aðalfundi deildar eða skipun þess staðfest á aðalfundi. Unglingaráð hefur síðan heimild til að ráða yfirþjálfara sem sinnir daglegu starfi yngri flokka körfuknattleiksdeildar. Sé ekki starfandi unglingaráð skal stjórn körfuknattleiksdeildar ráða yfirþjálfara í starfið. Halda skal fjárhag unglingaráðs aðskildum frá öðrum fjárhag deildarinnar en áætlanir og ákvarðanir um fjáraflanir og ráðstöfun fjármuna skulu hljóta samþykki deildarstjórnar, og lúta að öllu leyti sömu skilmálum og gilda um fjármál deilda, sbr. m.a. ákvæði 13. greinar laga þessara. Að sama skapi er heimilt að stofna sérstök meistaraflokksráð sem lúta sömu skilyrðum og unglingaráð.
12. grein. Ráð körfuknattleiksdeildar skulu framfylgja samþykktum aðalfunda körfuknattleiksdeildar og ráða daglegum rekstri þeirra, þar á meðal ráða þjálfara og ákveða laun þeirra. Hvert ráð skal halda nákvæmt félaga- og
iðkendatal samkvæmt lögum og reglum UMFÍ og ÍÓÍ. Hver deild skal skila stjórn körfuknattleiksdeildar félagatali sínu fyrir 30 janúar ár hvert. Stjórn körfuknattleiksdeildar skal setja verklagsreglur um fjárreiður og bókhald félagsins og deilda þess og skal stjórn körfuknattleiksdeildar hafa eftirlit með því að þeim sé fylgt. Hverju ráði er skylt að leita samþykkis stjórnar körfuknattleiksdeildar ef hún hyggur á lántökur til reksturs deildar í lengri eða skemmri tíma. Hver ráð aflar fjár til sinnar starfsemi og hefur tekjur af: a. Árgjöldum flokks/a. b. Æfingagjöldum. c. Styrktarfélagsgjöldum. d. Ágóða af íþróttamótum viðkomandi ráðs. e. Lottótekjum skv. skiptareglum og öðru fjármagni til skipta. f. Öðrum tekjuöflunarleiðum sem ekki rekast á við starf annarra deilda. Deildarstjórn skal halda skýrslu um starf deildarinnar sem lögð skal fyrir aðalfund deildarinnar og afhent aðalstjórn til birtingar í ársskýrslu félagsins.
13. grein. Aðalfundir körfuknattleiksdeildar Hamars skal vera haldnid eigi síðar en 15. febrúar fyrir liðið starfsár. Atkvæðisrétt á aðalfundi körfuknattleiksdeildar hafa allir félagar/iðkendur deildarinnar, enda hafi þeir greitt öll lögboðin gjöld. Kjörgengir eru þó aðeins félagar deildarinnar sem náð hafa 15 ára aldri, nema til formanns og gjaldkera verða þeir að vera 18 ára. Til aðalfundar deildar skal boða með viku fyrirvara með auglýsingu á heimasíðu félagsins. Er hann löglegur sé löglega til hans boðað. Stjórn skal leggja fyrir aðalfund fjölfaldaða ársskýrslu, ársreikninga og fjárhagsáætlun. Dagskrá aðalfunda deilda skal vera sem hér segir:
1. Formaður deildarinnar setur fundinn.
2. Kosnir fundarstjóri og fundarritari.
3. Formaður leggur fram ársskýrslu deildarinnar
4. Gjaldkeri leggur fram og útskýrir endurskoðaða reikninga, sem síðan eru bornir undir atkvæði.
5. Gjaldkeri leggur fram fjárhagsáætlun til afgreiðslu.
6. Stjórnarkjör: a. Kosinn formaður. b. Kosnir meðstjórnendur
7. Önnur mál. Á aðalfundi deilda ræður meirihluti atkvæða úrslitum allra mála. Kosning deildarstjórna skal vera skrifleg, ef þurfa þykir. Ef atkvæði eru jöfn skal kosið bundinni kosningu og fáist enn ekki úrslit skal hlutkesti ráða.
14. grein Vanræki körfuknattleiksdeild að halda aðalfund á tilsettum tíma, skal framkvæmdastjórn félagsins boða til fundarins og sjá um framkvæmd hans. Sé deild lögð niður eða starfsemi leggst af tímabundið skal aðalstjórn fara með vald deildarinnar og fjármuni.
STUÐNINGSMANNAFÉLAG | KÖRFUBOLTADEILD HAMARS
Félagið hefur að markmiði sínu að styðja við bakið á meistaraflokkum Hamars í körfuboltanum og tryggja þeim sem breiðast og best bakland þegar kemur að æfingum og keppni í íþróttinni.
Hægt er að ganga í félagið með útfyllingu á umsóknarblaði og styrkja um leið félagið um vissa upphæð mánaðarlega en á móti kemur að félagsmenn í Stuðningsmannaklúbbnum fá frítt á heimaleiki Hamars.
Klúbburinn stuðlar að betri tengingu milli leikmanna, stjórnar og stuðningsmanna félagsins á ýmsa vegu.
Formaður Stuðningsmannaklúbbs Kkd. Hamars er Davíð Jóhann Davíðsson david@hbgrandi.is