Mikill fjöldi fólks var mætt í Hamarshöllina um helgina. Á Laugardaginn voru 7.flokkur karla og kvenna að keppa, á sunnudaginn var 6.flokkur karla. Um 800 keppendur frá 15 félögum mættu leiks um helgina. Mótið heppnaðist virkilega vel og var fólk hrifið af þeirri aðstöðu sem við Hvergerðingar höfum fyrir knattspyrnuiðkun.
Þetta mót mun klárlega verða haldið aftur að ári og vonandi verður þetta árlegur viðburður í framtíðinni!
Spilaðir voru 306 leikir um helgina
Markmið mótsins var að allir færu heim með bros á vör eftir að hafa spilað skemmtilegan fótbolta. Úrslit leikjana voru ekki skráð, enda voru þau algjört aukaatriði!
Hamar spilaði í sameiginlegu liði með Ægir frá Þorlákshöfn á mótinu.
Eftir mót fengu allir keppendur verðlaunapening, pítsu frá Hoflandsetrinu og íspinna frá Kjörís. Það voru allir keppendur ótrúlega ánægðir með og ætla að koma aftur að ári.
Sýndir voru miklir taktar á mótinu.
Mikið af foreldrum og sjálfboðaliðum úr Hveragerði hjálpuðu til við ýmis störf á mótinu. Þau lögðu á sig mikla vinnu til að mótið heppnaðist eins vel og það gerði.
Erla Kristín og Guðrún Eirika stóðu vaktina í sjoppunni
Núverandi og fyrrverandi formenn knattspyrnudeildar fara yfir málin.
Næstu helgi heldur fjörið áfram. Þá er komið að 6. fl kvenna og 5. fl karla og kvenna að spila á Jólamóti Kjörís.
