Spennuþrunginn sigur á Val

Frystikistan var vel mönnuð í kvöld þegar að Hamar og Valur mættust í Dominosdeild kvenna í kvöld. Fjögur stig skildu liðin að fyrir leikinn, og því var að duga eða drepast fyrir heimastúlkur ætluðu þær sér að gera tilkall til fjórða sætisins. Leikurinn fór fjörlega í gang og var mikill skemmtun að horfa á liðin. Hamarsstúlkur tóku frumkvæðið í leiknum og leiddu leikinn fljótt 16-7. Fanney Lind fór á kostum og hitti mjög vel í byrjun, einnig var nýr leikmaður Hamars Chelsie að standa sig vel. Þrátt fyrir að Valskonur hafi ekki byrjað leikinn af miklum krafti sýndu þær flotta takta inná milli. Þessi fjörugi fyrsti leikhluti endaði svo frábærlega þegar að Chelsie setti þriggjastiga skot lengst utan af velli, á sama tíma og klukkan gall og staðan 29-24.

Annar leikhluti var ekki síður fjörlegri og léku Hamarsstelpur á alls oddi, þær voru komnar með 7 þriggja stiga skot ofan í þegar einungis 12 mín voru liðnar af leiknum. Hamar tók aftur frumkvæðið og fóru þær með 11 stiga mun 48-37 inní hálfleik.

Þriðji leikhlutinn var hins vegar hrein skelfing. Liðin töpuðu hverjum boltanum á fætur öðrum og áttu erfitt með að fóta sig gangvart vörnum hvors annars. Leikhlutinn endaði með eins stigs mun 10-11 og því staðan 58-48 fyrir lokafjórðunginn.

Valsstúlkur gengu á lagið og minnkuðu muninn fljótt niður, eftir 5 mínútur var staðan 63-63 og hörkuleikur framundan. Þá fóru heimastúlkur að átta sig á hlutunum og fóru að bregðast við. Úr varð æsispennandi kafli. Guðbjörg minnkaði muninn niður í eitt stig þegar að ein og hálf mín var eftir 70-69. En þá steig Íris upp í liði Hamars og nelgdi niður einum þrist. Valsstúlkur fóru síðan illa að ráði sínu og töpuðu boltanum. Með 40 sek eftir prjónaði Chelsie framhjá öllum 5 valskonunum sem voru inná og lagði boltann í spjaldið og ofan í 75-69 sigur staðreynd og því aðeins tvö stig sem skilja liðin að.

Hjá Hamri var Chelsie með 25 stig, 8 frák. og 4 stoð. og næst á eftir henni var Fanney með 23 stig og 6 frák.
Hjá Val var það Anna sem leiddi með 19 stig, Hallveig með 14, og Guðbjörg 10 stig, 8 fráköst og 4 stoð.

/by

Þrír fulltrúar frá Hamri

Um helgina verður leikið í stjörnuleikjum dominos deildanna í körfuknattleik karla og kvenna. Hamarsstúlkur eiga þrjá fulltrúa um helgina, en það eru Fanney Lind, Marín Laufey, og Di’Amber Johnson sem munu leika fyrir dominos-liðið. Leikið verður í Ásgarði í garðabæ og hefst hátíðin kl 13:00. Dagskrá líkur síðan kl 17:00, beint eftir síðari hálfleik karla, Þar leikur fyrr um Hamarsmaðurinn Raggi Nat. Leikurinn hjá stúlkunum hefst kl 13:20

/by

Þrír í röð

Hvergerðingar fengu Vængi Júpíters í heimsókn í fyrstu deild karla í kvöld. Leikurinn fór fjörlega af stað og var leikurinn hraður til að byrja með. Það voru gestirnir sem opnuðu leikinn með þrist, en Halldór Jónsson svaraði fyrir heimamenn í slíkri mynt. Hamarsmenn skoruð næstu 5 stig og komust í 8-3, þá svöruðu gestirninr og fyrsti leikhluti var jafn og spennandi, en þó voru heimamenn ávallt með yfirhöndina. Í örðrum leikhluta tóku gestirnir gott áhlaup, úr varð jafn leikur og tóku Hamarsmenn tvisvar sinnum leikhlé og reyndu að finna svör, og það seinna skilaði góðu áhlaupi og fóru Hamarspiltar með 9 stiga forskot í hálfleikinn 49-40. Það var síðan í síðari hálfleik sem að munurinn á liðinum kom í ljós. Hamarsmenn fóru mikinn og byggðu jafnt og þétt ofan á forskot sitt, og Vængir Júpíters áttu aldrei séns, þrátt fyrir að sína fína takta inná milli. Þessi sigur er þriðji sigur Hamars í röð og gera þeir þar með tilkall til úrslitarkeppnis sætisins. Á meðan eru Vængir Júpíters í næst neðsta sæti með einn sigur.

mynd/Guðmundur Karl

/by

Flottur sigur hjá strákunum

Hamarsmenn heimsóttu Skagamenn á skipaskaga í gærkvöldi og úr varð hörkuleikur! Hamarsliðið byrjaði leikinn með miklum látum og komust í 16-4, Danero og Halldór voru að hitta vel hjá Hamarsmönnum. Skagamenn vöknuðu þá til lífsins og náðu góðri rispu og komust í fyrsta skipti yfir 19-18 en þá gáfu strákarnir frá Hveragerði aftur í og leiddu 25-22 eftir 1. leikhluta.

Heimamenn byrjuðu mun betur í 2. leikhluta en á meðan var einhver værukærð yfir Hamarsmönnum. Tölur eins og 34-28 og 40-33 sáust fyrir þá gulklæddu. Aftur spíttu Hamarsdrengir í og komust aftur yfir í stöðunni 47-46 með glæsilegum þristi frá Danero en drengurinn var að spila óaðfinnanlega í gær! Hamarsmenn leiddu 54-53 í hálfleik og ekki var mikið um varnir en þess í stað var sóknarleikur beggja liða góður og leikurinn var mjög hraður.

Eitthvað hafa Hamarsdrengir farið yfir varnarleikinn í hálfleik því liðið spilaði frábæran varnaleik í öllum 3. leikhluta og stungu heimamenn af! Tölur í leikhlutanum voru eins og 66-57 og 81-62, Hamarsdrengjum í vil. Hamar vann leikhlutann 27-11 og eins og áður sagði frábær varnarleikur hjá liðinu í þessum leikhluta.

Í upphafi 4. leikhluta náði Hamar 23 stiga forustu 87-64. En aftur eins og fyrr í leiknum gáfu þeir aðeins eftir og Skagaliðið náði smá áhlaupi og þegar fjórar mínútur voru eftir var staðan 93-80 Hamri í vil. Það var akkurat sá stigamunur sem skildu liðin af í fyrri leiknum sem spilaður var í Hveragerði. Þetta vissu Hamarsmenn og ætluðu þeir að vinna leikinn með meira en þeim mun til að komast uppfyrir skagann á betri innbirgðisviðureign. Þegar tvær mínútur voru til leiksloka var munurinn allt í einu orðin 7 stig 99-92 fyrir Hamri. Þá fór skagaliðið einhverja hlutavegna að brjóta það sem eftir lifði leiks og kláraði fyrirliði Hamars Halldór Jónsson leikinn með nokkrum vítaskotum en hann hitti úr 9 af 10 vítum sem hann fékk. Lokatölur 112-98 og Hamar fór uppfyrir skagann á betri innbirgðis.

Frábær sigur og liðið hefur nú unnið tvo leiki í röð og greinilegt ef marka má þessa fyrstu tvo leiki ársins þá er liðið í mun betra standi en fyrir jól. Þegar 10 umferðum er lokið af 18 er liðið aðeins 2 stigum á eftir 4. og 5. sæti en 5. sæti er síðast sætið inní úrslitakeppnina. Hamar situr í 7. sæti með 8 stig.

Maður leiksins í gær var Danero Thomas með 47 stig, 9 fráköst og 5 stoðsendingar. Magnaður leikur hjá kappanum og á tímabili var hann á eldi og það var allt í! Halldór Jónsson sallaði niður 19 stigum. Snorri Þorvaldsson setti 14 stig. Aron Eyjólfsson var með 11 stig og 10 fráköst en barátta hans smitar mikið útfrá sér og hann var að spila líklega sinn besta leik fyrir Hamar. Bjartmar Halldórsson stjórnaði leik liðsins af stakri snilld og var með 10 stoðsendingar og auk þess að skila 5 stigum. Allir aðrir leikmenn liðsins skiluðu sínu og spiluðu mjög vel!

Næsti leikur hjá strákunum er næstkomandi fimmtudag í frystikistunni kl:19:15 en þá koma Vængir Júpitersmenn í heimsókn.

/by

Hamar 71-75 Keflavík

Hamar og keflavík mættustu í Frystikistunni í Hveragerði í kvöld. Fyrir leikinn sátu heimastúlkur í 6 sæti deildarinnar, en Keflavík í því þriðja. Hamarstúlkur byrjuðu leikinn mun ákveðnari og komust þær í 18-11. Þá settu Keflavíkur stúlkur í gírinn og minnkuðu muninn niður í tvö stig, staðan 21-19 eftir fyrstaleikhluta. Í öðrum leikhluta var öllu jafnara. Liðin skiptust á að skora og fór Di’Amber mikinn fyrir heimastúlkur, Það var þó keflavík sem átti lokaorð fyrri hálfleiks þegar Bryndís skoraði og kom hún sínu liði yfir 36-37. Atkvæðamest hjá Hamari var Di’Amber með 14 stig en hjá Keflavík var Sara með 11 stig. Í síðari hálfleik voru það Keflavík sem tóku yfirhöndina, þær unnu þriðja leikhlutann með 12 stigum 8-20 og leiddu fyrir lokafjórðunginn 44-57. Muninum héldu þær svo lengst af í +-10 stigum eða þar til að um tvær mínútur voru til leiksloka. Þá byrjaði Hamarsliðið fínt áhlaup, þegar um 24 sekúndur voru eftir í stöðunni 64-72, fékk Di’Amber 3 vítaskot, eitt þeirra geigaði þó og því var munurinn 6 stig. Landry fékk svo tvö skot hinu megin sem bæði rötuðu rétta leið. Það var svo þegar 10 sek voru eftir að Di’Amber setti þrist frá selfossi og minnkaði muninn í þrjú stig 71-74. Hamarstúlkur brutu strax og Landry stillti sér upp á línuna, fyrra skotið geigaði!! en það seinna fór niður og Hamar tók leikhlé, Di’Amber fékk svo boltann og fór hún í þriggja stiga tilraun. Sú tilraun geigaði og leiknum lauk því með 4 stiga sigri Keflavíkur 71-75.

Hjá Hamri var Di’Amber með 26 stig og 9 fráköst en Fanney Lind með 14. Hjá Keflavík var Landry með 23 stig 5 fráköst og 4 stoðsendingar, en Bryndís skilaði trölla tvennu 18 stigum og 22 fráköstum

/by

Körfuknattleiksfólk heiðrað

Hveragerðisbær heiðraði íþróttafólk bæjarins milli hátíða og er KKd. Hamars stolt af þvíað Dagný Lísa Davíðsdóttir og Ragnar Nathanaelsson fengu viðurkenningar fyrir sýna íþrótt. 

Ragnar hefur brotið sér leið í A-landslið karla eftir gott uppeldi hér í Hveragerði og spilar í vetur með nágrannaliði okkar Þór í efstu deild.  Dagný Lísa lék með U-16 ára landsliði Íslands á síðasta ári og hefur verið valin í æfingarhóp U-18 ára en verkefni þessa landsliðs verður væntanlega Norðurlandamót og Evrópukeppni þetta sumarið. Auk þessa er Dagný á fullu með úrvalsdeildarliði okkar Hamars í körfunni og hefur staðið sig með miklum sóma þar.   Flottir fulltrúar körfuknattleiksins þarna á ferð og óskum þeim til hamingju með viðurkenninguna.

Dagný og Ragnar

/by

Hamars stúlkur í landsliðshóp KKÍ

Tvær ungar stúlkur úr Hamri eru valdar til æfinga með U-18 ára landsliði Íslands í körfubolta. Þetta eru þær Dagný Lísa Davíðsdóttir og Katrín Eik Össurardóttir sem eru í 20 manna æfingarhóp sem Finnur Jónsson hefur valið en honum til aðstoðar er Árni Þór Hilmarsson.  Æfingar eru yfir hátíðirnar þannig að ekkert verður slakað á hjá þeim stöllum yfir jólin.

Verkefni sumarsins hjá U-18 verður Norðurlandamótið (hefðbundið) en jafnframt jafnframt er stefnt á þátttöku í Evrópukeppninni að þessu sinni.

Öll yngri landslið koma saman til æfinga núna í desember en ekki eru fleiri fulltrúar frá okkur að þessu sinni.  Sjá val æfingarhópa á vef kki.is

/by

Hamar hefndi fyrir bikartapið

Hamar og Valur mættust í Frystikistunna í Hveragerði í kvöld og hófu 13.umferðina. Liðin höfðu nýlega leikið gegn hvort öðru í bikarnum þar sem að Valsstúlkur höfðu betur. Leikurinn byrjaði með mikilli hörku og Valsstúlkur komust fljótt yfir 7-17. Hamarstúlkur léttu það þó ekki á sig fá og minnkuðu muninn niður í 5 stig og staðan eftir fyrsta leikhluta 14-19 Val í vil. Butler fór mikinn í liði Vals og var kominn með 9 stig. Í öðrum leikhluta snérust svo hluturnir við. Hamar byrjaði að spila hörku vörn og á hinu enda vallarins fór Marín á kostum og Hamarsstúlkur komnir yfir í hálfleik 37-32. Þriðji leikhlutinn byrjaði þó líkt og leikurinn sjálfur með yfirhönd Vals. Hamarsstúlkur bitu þó alltaf frá sér og héldu liðin inní lokafjórungin jöfn 51-51. Fjórði leikhlutinn var síðan í eigu Hamarskvenna en þær fengu ekki á sig körfu fyrstu 4 mínúturnar og voru þær komnar í 59-51 með 5 mínútur eftir. Þá skoraði Butler tvær körfur og lagaði stöðuna en það voru fyrstu stig hennar síðan í fyrstaleikhluta. DiÁmber fór hins vegar á kostum í liði Hamars og átti alltaf svör við árásum Vals og skiliður Hamarsstelpur þægilegum átta stiga sigri í hús 72-64. Hjá Hamari var DiÁmber með 25 stig, 7 stoðsendingar og 6 fráköst og Marín var einnig frábær með 22 stig og 8 fráköst. Hjá Val voru það ggömlu Hamarsstúlkurnar se, voru atkvæðamestar Kristrún með 24 stig og Guðbjörg með 16 og 7 fráköst.

/by

Frábær sigur á Fsu

Hamarsmenn fengu nágranna sína frá Selfossi í heimsókn í frystistunna í Hveragerði í kvöld. Bæði lið vildu enda taphrinur sínar en Hamarsmenn höfðu tapað síðustu þrem leikjum en Fsu síðustu tvem.
Hamarsmenn byrjuðu leikinn af miklum krafti og komust í 10-2 en þá tók Fsu leikhlé. Þeir unnu sig inn í leikinn enn þó voru Hamarsmenn alltaf skrefinu á undan og var staðan eftir fyrsta leikhluta 28-22. Í öðrum leikhluta snérust þó hlutirnir við og Fsu tók stjórnina, þeir jöfnuðu metin í 30-30 og Hamarsmenn tóku leikhlé. Fsu héldu þó áfram að keyra á þá og komust þeir í 39-44 þegar tæpar þrjár mínútur voru eftir. Þá tók Hamar aftur leikhlé og jafnaðist leikurinn. Staðan 40-45 Fsu í vil. Stigahæðstur í liði Hamars var Danero með 17 stig en Pryor var með 15 í liði gestanna. Síðari hálfleikur hófst líkt og leikurinn byrjaði með áhlaupi heimamanna. Eftir þrjár mínútur tók Fsu leikhlé og Hamarsmenn komnir yfir 47-45. Hart var barist inná vellinum og voru bæði lið að fá mikið af villum á sig, hjá gestunum voru Pryor og Svavar komnir með fjórar og hvíldu þeir út leikhlutann. Þriðji leikhlutinn var allur jafn og fyrir loka fjórðunginn var staðan 62-60 fyrir Hamar. Danero var komin með 28 stig en hjá gestunum var Ari að stíga upp með 20.
Í fjórða leikhuta var mikil spenna og hart barist um alla bolta. Hamars menn komust í 70-62 en FSu jafna 70-70 og Hamar tekur leikhlé með 6:02 eftir á klukkunni. Þegar um ein og hálfmínuta var eftir setti Halldór Jónsson risa þrist fyrir heimamenn og kom muninum í 83-76 FSu skoraði síðan í næstu sókn og stálu boltanum og Pryor tróð með tilþrifum. 83-80. Hamarsmenn töpuðu síðan boltanum í næstu sókn og Fsu tók leikhlé með 33 sekúndur á klukkunni. Svavar fékk boltan fyrir utan línuna og setti niður trölla þrist og janaði metinn. Hamarsmenn tóku þá leikhlé og voru 25 sek eftir. Aron fékk fínt skotfæri en það geigaði og Fsu hélt í sókn. Boltinn hrökk útaf þegar 4 sekúndur voru eftir og Fsu átti innkast. Pryor fékk boltan og skaut, en boltinn skoppaði af hringnum og því þurfti framlengingu.
Í framlengingunni skiptust liðin á að skora stórar körfur og í stöðunni 96-94 byrjuðu Hamarsmenn að taka framúr og kláruðu þeir leikinn á línunni lokatölur 101-97. Hjá Hamri var Danero Thomas atkvæðamestur með 42 stig, 10 fráköst og 5 stoðsendingar, næstur á eftir honum var Halldór Jónsson með 20 stig. Í liði Fsu var Ari með 27 stig og Pryor með 25 stig og 11 fráköst. Hamarsmenn unnu þar með sinn fyrsta heimaleik og enduðu taphrinu sína, en Fsu þarf að bíta í súrt epli og erum þeir búnir að tapa síðustu þrem leikjum.
Mynd/Guðmundur Karl

/by

Hamars stúlkur með sigur

Það var öruggur sigur okkar stúlkna í Dominos deildinni í kvöld, en ekki þó fyrirhafnar laus. Loka staðan 57-73 og Hamar komið í 4. sæti deildarinnar en með sama stigafjölda og Valur og  Grindavík eða 10 stig.

Það var góð byrjun í kvöld hjá Hamri sem komust í 0-9 en Grindavíkur stúlkur gáfu ekki svo létt eftir. Staðan 20-24 eftir fyrsta leikhluta og 36-38 í hálfleik. Erfiðlega gékk að eiga við Lauren Oosdyke hjá þeim gulu sem var með 20 stig og 13 fráköst í fyrri hálfleik einum.

Okkar stúlkur sýndu yfirvegum í síðari hálfleik og eftir 5 mínútur í 3ja leikhluta, í stöðunni 47-48, gaf Grindavíkur stúlkur eftir og skoruðu aðeins 10 stig á síðustu 15 mínútum leiksins gegn 25 stigum Hamars. Betur gékk að stöðva Oosdyke sem skoraði aðeins 5 stig í síðar hálfleik.

Marín Laufey var öflug, sérstaklega í síðari hálfleik, með 20 stig og tók 18 fráköst, Di’Amber setti 20 stig, 6 fráköst og 8 stoðsendingar. Fanney Lind skoraði 17/6 fráköst, Íris Ásgeirsdóttir 11/8 stolnir boltar og Jenný Harðardóttir 5 stig.  Öll tölfræði úr leiknum hér. 

Dagný Lísa var ekki með í kvöld vegna meiðsla en verður að öllu óbreyttu með gegn Val í næsta leik.

Þess má að lokum geta að Lárus Ingi formaður er veikur heima eftir dóm aganefndar sem byrtur var í dag. Þar er Hamri gert að greiða  15 þúsund í sekt fyrir framkomu hans í garð dómara í lok leiks Hamars og Keflavíkur á sunnudaginn. Spurning hvort formaðurinn hafi lagst undir feld út af sektarkennd? 

 Mynd: Guðmundur Erlingsson

/by