Meistaraflokkur karla spilaði æfingaleik s.l Laugardag. Spilað var gegn Létti og fór leikurinn fram í Fífunni í Kópavogi. Léttir verða með Hamri í riðli í 4.deildinni í sumar. Þrír nýjir leikmenn voru til reynslu hjá Hamri í leiknum. Það voru tveir ungir og sprækir strákar uppaldir í Breiðablik og einn reyndur spánverji. Hamarsmenn byrjuðu leikinn af krafti og voru betri aðilinn í byrjun leiks. Hamarsmenn spiluðu boltanum vel á milli sín og áttu fullt af fínum marktækifærum í fyrri hálfleik. Undir lok fyrri hálfleiks náðu Hamar forystunni, Spánverjinn Jorge sendi boltann fyrir markið sem endaði í markinu eftir viðkomu einn varnarmanna Léttis. Staðan var 1-0 í hálfleik og voru Hamarsmenn mun sterkarri aðilinn í leiknum. Seinni hálfleikur fór fjörlega af stað og fljótlega náðu Hamarsmenn að bæta við marki. Þar var að verki leikmaður sem er á reynslu, Arnar Þór Hafsteinsson eftir góða fyrigjöf frá Didda. Hamarsmenn héldu áfram að spila boltanum vel á milli sín og og voru mun betri aðillinn í leiknum. Logi Geir skoraði svo gott mark eftir frábæra stungusendingu frá Didda. Léttir náðu svo að minnka munin með skallamarki. En Hamarsmenn voru ekki hættir því Arnar Þór skoraði sitt annað mark með skoti fyrir utan teig eftir enn eina stoðsendinguna frá Didda. Staðan var orðin 4-1 og voru Hamarsmenn að spila skemmtilegan fótbolta. Léttir náðu að klóra í bakkann í lokinn úr vítaspyrnu sem Hlynur Kárason var nálægt því að verja. Lokastaðan var 4-2 fyrir Hamar og var þetta annar sigur Hamarsmanna í röð.

Logi Geir Þorláksson mun spila með Hamar í sumar og skoraði hann gott mark í leiknum.

Næsti leikur Hamars verður Þriðjudaginn 24. Febrúar á móti Skallagrím á ÍR velli kl 20:30.

Hamar og Árborg áttust við í leik í sunnlenska.is bikarnum s.l sunnudag. Hamarsmenn höfðu tapað báðum sínum leikjunum í mótinu 0-2. Hamarsmenn mætti vel stemmdir til leiks og  sem fyrr voru allir leikmenn Hamars úr Hveragerði. Strákunum gekk vel að halda boltanum innann liðsins og var margt jákvætt í leik liðsins í fyrri hálfleik. Leikar stóðu 0-0 í hálfleik þrátt fyrir ítrekaðar tilraunir Hamarsmanna fyrir framan mark Árborgar að koma boltanum í netið. Í seinni hálfleik fóru Hamarsmenn ofar á völlinn á pressuðu stíft á leikmenn Árborgar. Pressan skilaði góðum árangri fljótlega í seinni hálfleik þegar Diddi vann boltann hátt á vellinum og kom honum á Jóa Snorra sem sendi boltann fyrir markið til Hafþórs Vilbergs sem skoraði fyrsta mark Hamars á undirbúningstímabilinu. Skömmu seinna unnu strákarnir boltann á svipuðum stað og barst boltinn til Didda sem skaut föstu skoti framhjá markverði Árborgar. Staðan var orðinn 0-2 fljótlega í seinni hálfleik og voru Hamarsmenn að spila glimrandi fínan bolta. Eftir þetta datt leikurinn örlítið niður og bæði lið freistuðust til að skora mörk. Þegar um 2 mínútur voru eftir náðu Árborg að troða boltanum framhjá Hlyni Kárasyni markmanni Hamars. Lokatölur voru 2-1 fyrir Hamri!

Hafþór VIlberg skoraði fyrsta markið.

Kristinn H. Runólfsson (Diddi) skoraði annað markið.

Frábær sigur hjá Hamri og verður spennandi að fylgjast með þeim í næstu leikjum. Það er greinilegt að góðar æfingar Ólafs þjálfara eru að skila sér og leikmenn eru að bæta sig með hverri vikunni. Strákarnir í liðinu eru að vinna vel fyrir hvorn annann og er greinilega mikil samheildni í liðinu.

Óvíst er hvernær næsti leikur Hamars er þar sem veðurguðirnir eru að gera fótboltamönnum lífið leitt þessa dagana og erfitt að fá völl til að spila á. Unnið er að því að ná einum til tveim æfingaleikjum áður en Lengjubikarinn hefst 14. Mars n.k.

Áfram Hamar!!!